ਗੁੜ ਦੇ ਕਈ ਫ਼ਾਇਦੇ: ਪੋਸ਼ਟਿਕ ਤੱਤਾਂ ਵਾਲੇ ਪਦਾਰਥਾਂ ਵਿੱਚ ਗੁੜ ਦਾ ਸੇਵਨ ਵੀ ਕਾਫ਼ੀ ਫ਼ਾਇਦੇਮੰਦ ਰਹਿੰਦਾ ਹੈ। ਗੁੜ ਬੱਚਿਆਂ ਲਈ ਕਾਫ਼ੀ ਲਾਭਦਾਇਕ ਸਾਬਿਤ ਹੁੰਦਾ ਹੈ। ਇਸ ਦੇ ਸੇਵਨ ਨਾਲ ਬੱਚਿਆਂ ਦੇ ਸਰੀਰ ਵਿੱਚ ਕਈ ਜਰੂਰੀ ਤੱਤਾਂ ਦੀ ਪੂਰਤੀ ਕੀਤੀ ਜਾ ਸਕਦੀ ਹੈ। ਆਓ ਜਾਣਦੇ ਹਾਂ ਕਿ ਬੱਚਿਆਂ ਲਈ ਗੁੜ ਦਾ ਸੇਵਨ ਕਿਵੇਂ ਫ਼ਾਇਦੇਮੰਦ ਹੁੰਦਾ ਹੈ।

01. ਹਿਮੋਗਲੋਬਿਨ : ਗੁੜ ਵਿੱਚ ਆਇਰਨ ਹੁੰਦਾ ਹੈ। ਆਇਰਨ ਸਰੀਰ ਵਿੱਚ ਹਿਮੋਗਲੋਬਿਨ ਬਣਾਉਣ ‘ਚ ਮਦਦ ਕਰਦਾ ਹੈ। ਹਿਮੋਗਲੋਬਿਨ ਦੀ ਪੂਰਤੀ ਲਈ ਗੁੜ ਦਾ ਸੇਵਨ ਕਰਨਾ ਫ਼ਾਇਦੇਮੰਦ ਰਹਿੰਦਾ ਹੈ।

02. ਹੱਡਿਆਂ ਦੀ ਮਜ਼ਬੂਤੀ : ਗੁੜ ਮਿਨਰਲਜ਼, ਕੈਲਸ਼ੀਅਮ ਅਤੇ ਫਾਸਫੋਰਸ ਨਾਲ ਭਰਪੂਰ ਹੁੰਦਾ ਹੈ।ਇਸ ਦੀ ਮਦਦ ਨਾਲ ਹੱਡੀਆਂ ਨੂੰ ਮਜ਼ਬੂਤ ਕਰਨ ਵਿੱਚ ਮਦਦ ਮਿਲਦੀ ਹੈ।

03. ਸਰਦੀ-ਜ਼ੁਕਾਮ ਤੋਂ ਨਿਜਾਤ : ਮੌਸਮ ਦੇ ਬਦਲਣ ਨਾਲ ਕਈ ਵਾਰ ਅਸੀਂ ਸਰਦੀ ਅਤੇ ਜ਼ੁਕਾਮ ਆਦਿ ਬਿਮਾਰੀਆਂ ਨਾਲ ਪਰੇਸ਼ਾਨ ਹੋ ਜਾਂਦੇ ਹਾਂ। ਇਹਨਾਂ ਬਿਮਾਰੀਆਂ ਤੋਂ ਬਚਾਅ ਲਈ ਗੁੜ ਕਾਫੀ ਅਹਿਮ ਸਾਬਿਤ ਹੁੰਦਾ ਹੈ।ਗੁੜ ਦੀ ਮਦਦ ਨਾਲ ਸਰਦੀ-ਜ਼ੁਕਾਮ ਆਦਿ ਤੋਂ ਅਸਾਨੀ ਨਾਲ ਨਿਜਾਤ ਪਾਈ ਜਾ ਸਕਦੀ ਹੈ।

04. ਲਿਵਰ ਦੀ ਸਮੱਸਿਆ:ਗੁੜ ਵਿੱਚ ਅਨਰਿਫਾਇੰਡ ਸ਼ੁਗਰ ਪਾਈ ਜਾਂਦੀ ਹੈ। ਇਸ ਦੀ ਮਦਦ ਨਾਲ ਸਰੀਰ ਨੂੰ ਡਿਟਾਕਸ ਕੀਤਾ ਜਾ ਸਕਦਾ। ਇਸ ਦੇ ਨਾਲ ਹੀ ਗੁੜ ਦੇ ਸੇਵਨ ਨਾਲ ਹਾਨੀਕਾਰਕ ਪਦਾਰਥਾਂ ਨੂੰ ਸਰੀਰ ਤੋਂ ਬਾਹਰ ਕੱਢ ਕੇ ਲੀਵਰ ਨੂੰ ਸਾਫ਼ ਕੀਤਾ ਜਾ ਸਕਦਾ ਹੈ। 05.ਸਾਹ ਸੰਬੰਧੀ ਸਮੱਸਿਆਵਾਂ ਦੇ ਖਤਰੇ ਨੂੰ ਘੱਟ ਕਰਦਾ ਹੈ: ਇਹ ਸਾਹ ਦੀਆਂ ਬਿਮਾਰੀਆਂ ਜਿਵੇਂ ਕਿ ਬੌ੍ਰਨਕਾਈਟਸ ਦੇ ਵਿਕਾਸ ਦੇ ਜੋਖਮ ਨੂੰ ਘਟਾਉਂਦਾ ਹੈ, ਸਰੀਰ ਦੇ ਤਾਪਮਾਨ ਨੂੰ ਕੰਟਰੋਲ ਕਰਨ ਲਈ ਵੀ ਕਾਲਾ ਗੁੜ ਵਧੀਆ ਵਿਕਲਪ ਹੈ।ਇਸ ਵਿੱਚ ਐਂਟੀ –ਅੇਲਰਜੀ ਅਤੇ ਹੋਰ ਲਾਭਕਾਰੀ ਗੁਣ ਹੁੰਦੇ ਹਨ।